Profilet
Prisni një thirrje, por nuk mund ta lini të bjerë zilen e pajisjes? Ekzistojnë grupe të
ndryshme cilësimesh të quajtura profile, të cilat mund t'i përshtatni me tonet e ziles për
raste dhe mjedise të ndryshme.
Zgjidhni
Meny
>
Cilësimet
>
Profilet
.
Zgjidhni profilin e dëshiruar dhe nga të mëposhtmet:
Aktivizo — Aktivizoni profilin.
Personalizo — Modifikoni cilësimet e profilit.
Me kohë — E cilësoni profilin që të jetë aktiv deri në një kohë të caktuar. Kur koha e
vendosur për profilin skadon, profili i mëparshëm që nuk kishte kohë të përcaktuar
bëhet aktiv.
Opsionet e disponueshme mund të ndryshojnë.
Paralajmërim:
Me profilin e fluturimit nuk mund të kryeni ose të merrni çdo lloj thirrjesh, duke përfshirë
këtu edhe thirrjet e urgjencës, ose të përdorni funksione të tjera që kërkojnë mbulim
nga rrjeti. Që të kryeni thirrje, në fillim duhet të aktivizoni funksionimin e telefonit duke
ndryshuar profilet. Në qoftë se pajisja është e bllokuar, futni kodin e bllokimit.
Nëse keni nevojë të bëni një thirrje urgjence ndërkohë që pajisja është e bllokuar dhe
në profilin e fluturimit, ju mund të fusni në fushën e kodit të bllokimit një numër zyrtar
urgjence të programuar në pajisjen tuaj dhe të zgjidhni ‘Thirr’. Pajisja do t’ju konfirmojë
që jeni gati të dilni nga profili i fluturimit për të filluar një thirrje urgjence.